Friday, November 12, 2010

ഘടികാരങ്ങള്‍ പറഞ്ഞത്.....

സമയത്തിന്റെ
മുന്നോട്ടുള്ള
ചലനം നിലച്ചതെപ്പോഴാണ്?
ഘടികാരത്തിന്റെ
ചിറകൊടിഞ്ഞ കറുത്ത സൂചികള്‍
പിറകോട്ടാണ് ചലിക്കുന്നത്....
ഇപ്പോള്‍
നാം ശിലായുഗത്തിലാണ്‌
ഇവിടെ
അലക്സാണ്ടറോ നെപ്പോളിയനോയില്ല
യുദ്ധങ്ങളുടെ ശംഖുവിളികളില്ല
കുരിശു വിധിക്കുന്ന
നീതിന്യായത്തിന്റെ മരക്കൈകളില്ല

Monday, November 1, 2010

പ്രണയരാത്രി













അണഞ്ഞൂ, നീയെന്നരികിലായ്
നിറനിലാവ് പെയ്തിറങ്ങും
നീല മനോജ്ഞമാം രാത്രിയി-
ലേക താരപോല്‍ ചാരുതയായ്.
നീട്ടിയെഴുതിയ നീള്‍മിഴി-
തുമ്പില്‍ വിടരും രാഗലജ്ജ-
തന്‍ അനുരാഗ പ്രസൂനവും
അളികഭൂവില്‍ മാലേയവും
വിടര്‍ത്തിയ വാര്‍മുടി തന്നില്‍
ഈറന്‍ സുഗന്ധവുമേന്തി നീ,
ദാഹിച്ച ചിപ്പി തന്‍ മുത്തുപോല്‍....

മൗനം

മൗനം,
രാത്രിയുടെ സംഗീതമായ്
രാപ്പാടി തന്‍ വിലാപമായ്
മൂകയുടെ സതീര്‍‍ത്ഥയായ്
അഴലിന് കാമുകിയായ്‌
വിരഹത്തിനുപമയായ്
പ്രണയത്തിനുമുദ്രയായ്
പരിണമിക്കുന്നു ഉലകില്‍.

സാക്ഷി

ജ്വലിച്ചടങ്ങുന്ന സൂര്യന്
സാഗരം സാക്ഷി
മാഞ്ഞുപോകുന്ന പകലിന്
സന്ധ്യ സാക്ഷി
തിരയൊടുങ്ങാത്ത കടലിന്
തീരം സാക്ഷി
നിണമുണങ്ങാത്ത ഭൂമിക്ക്
കാലം സാക്ഷി
കനലെരിയുന്ന ഹൃത്തിന്
നൊമ്പരം സാക്ഷി
വ്യഥയൊടുങ്ങാത്ത മര്‍ത്യന്
മരണം സാക്ഷി...!!!!

ശ്ലഥം

ഭൂമി
കൈകാലുകള്‍ വിടര്‍ത്തി
മലര്‍ന്നു കിടക്കുന്നു
ഭൂമിയുടെ മാറിലും മറവിലും
കഴുകന്മാര്‍
അവരുടെ കൊക്കുകള്‍
മൂര്‍ച്ച കൂട്ടി കൊണ്ടിരിക്കുന്നു

പാതവക്കില്‍
വളരേറെപ്പേര്‍ ഉഴുതുമറിച്ച
പെണ്ണിന്റെ ശരീരം
പൂതലിച്ചു കിടക്കുന്നു

Sunday, October 31, 2010

കാലം

തകര്‍ന്നുടഞ്ഞ
ശിലാഗോപുരങ്ങളുടെ
കൂര്‍ത്ത കല്ലുകളില്‍ ചവിട്ടി നടന്ന
എന്റെ ജീവരക്തമാണ്
നിങ്ങള്‍ക്ക് വഴികാട്ടിയായത്.
എനിക്ക് പകരം
നിങ്ങളോട് സംസാരിച്ചത്
ഫലകങ്ങളില്‍ കൊത്തിയ വാക്കുകളാണ്.

സനാതനം

മരണമേ... നിന്‍ പാദ
നിസ്വനം കേള്‍ക്കുന്നൂ ഞാന്‍
നിന്നെ പ്രണമിക്കുന്നു...
ഓതുക! നീയെന്‍ കാതില്‍
ജീവിത മഹാമന്ത്രം
ഉരുക്കഴിക്കട്ടെ ഞാന്‍
എന്‍ ജീവിതയാത്രയില്‍
മൃതസഞ്ജീവനിയായ്.....

രാഗസൂനം

ഓമലേ,
നിന്‍ നീല മിഴികളിലൊരു സൂര്യഗോളമായ്
ഞാന്‍ ജ്വലിച്ചെങ്കില്‍
നിന്‍ തളിര്‍ചുണ്ടിലൊരു മൃദുഹാസമായ്
ഞാന്‍ വിടര്‍ന്നെങ്കില്‍
നിന്‍ കാര്‍മുകില്‍വേണിയിലൊരു പനിനീര്‍മലരായ്
ഞാന്‍ വിരിഞ്ഞെങ്കില്‍
നിന്‍ വിരല്‍തുമ്പിലൊരു വീണക്കമ്പിയായ്
ഞാനുണര്ന്നെങ്കില്‍
നിന്‍ അനുരാഗപൂജയിലെ മന്ത്രമായ്
ഞാന്‍ പരിണമിച്ചെങ്കില്‍
എങ്കിലെന്‍ ജന്മം ധന്യമായേനെ...!!!

ക്ഷണിക്കപ്പെടാത്ത അതിഥി

രക്തം വീണ്
തണുത്തുറഞ്ഞ കണ്ണില്‍ നിന്നും
ഒരു നദി അഴിമുഖത്തേക്ക്....
ചെളി കെട്ടിയ
കണ്‍പോളകളില്‍
ആഴക്കിണറിന് കുഴി കുത്ത്

മറുപുറം

ഇഴയടുക്കാത്ത
അക്ഷരങ്ങള്‍ കൊണ്ടൊരു വാക്കാണ്‌
പ്രണയം.
അര്‍ത്ഥതലങ്ങളിലേക്കെത്താന്‍
അവയൊരിക്കലും ശ്രമിക്കാറില്ല
ചിതലരിച്ചവീട്
പ്രണയത്തിനൊരു മറുവാക്കാണ്

Saturday, September 11, 2010

ആത്മബലി

ശീവേലിക്കല്ലില്‍
രക്തപുഷപങ്ങള്‍ക്ക് പകരം
ഞാനെന്റെ ഹൃദയമടര്‍ത്തി വയ്ക്കാം.
അഭിഷേകത്തിനായി രുധിരമേകാം
തീര്‍ത്ഥക്കിണ്ടിയില്‍ മിഴിനീരും
ഹവിസ്സായെന്‍ ഗാത്രവുമര്‍പ്പിക്കാം
വ്യഥകളുടെ അരണി കടഞ്ഞ്
ഹോമകുണ്ഡം ജ്വലിപ്പിക്കാം
നിങ്ങളെന്നെ ക്രൂശിക്കാതിരിക്കുക!
സമസ്താപരാധങ്ങള്‍ക്കും മാപ്പേകുക!

Friday, September 3, 2010

ജാതകം





















മകനേ,
നിനക്കായ് കാത്തുവെക്കുന്നു
ഒരു വരിക്കവിതയും
ഇടനെഞ്ചിലൊരു
താരാട്ടും
വലം കണ്ണില്‍
സ്നേഹവും.....

മഴ

മഴ
മരുഭൂമിക്കുമേല്‍
ആകാശത്തിന്റെ സ്നേഹമാണ്‌
അടങ്ങാത്ത ദാഹമാണ്‌
തണുത്ത കാറ്റ്
നനുത്ത ഓര്‍മകളെ
കുടഞ്ഞിടുന്നതപ്പോഴാണ്‌

Wednesday, August 25, 2010

പാര്‍ലര്‍

അവള്‍ ആദ്യമായി ഐസ്ക്രീം നുണഞ്ഞത്
എന്റെ പാര്‍ലറില്‍ ആണ്.
ഐസ്ക്രീമിന്റെ തണുപ്പ്
ചുണ്ടില്‍ നിന്നും
ഉള്ളിലേക്ക് തുളക്കുമ്പോള്‍
അവള്‍ ഫ്രീസറിനെക്കാളും തണുത്തു
വിയര്‍ത്തു.
പിന്നീടവള്‍
പാര്‍ലറിലെ മേശമേല്‍
ഐസ്ക്രീമായി നിറയാന്‍ തുടങ്ങി...

ഇന്ന്
അവള്‍ തന്നെ
ഒരു പാര്‍ലര്‍ ആണ്.

Friday, August 20, 2010

വാര്‍ത്തകളില്‍ ഇല്ലാത്തത്

ഭൂഗോളത്തിന്റെ സിരാപടലങ്ങളെ
രോഗം ബാധിച്ചിരിക്കുന്നു.
കച്ചവടച്ചന്തയില്‍
ഹൃദയം
ചീഞ്ഞളിഞ്ഞീച്ചയാര്‍ത്തു തുടങ്ങി.

Friday, August 13, 2010

ഭൂമിയോട്.....

ഭൂമി,
നീ പൊറുക്കുക!
നിന്റെ
മുലപ്പാലൂറ്റി തെഴുത്തവരോട്
നാവുണങ്ങിയ കുഞ്ഞുങ്ങളുടെ
കണ്ണുകള്‍ ചൂഴ്ന്നെടുത്തവരോട്
വിണ്ടു കീറിയ  വിളനിലങ്ങളുടെ
മുറവിളി കേള്‍ക്കാത്തവരോട്.

പ്രണയം പൂക്കുന്നതെപ്പോഴാണ്?

രക്ത മേഘങ്ങള്‍ക്ക് കീഴെ,
ഇടനെഞ്ചു പൊട്ടി,
രക്തം വാര്‍ന്നു ചുവന്ന
കടല്‍ത്തീരത്ത്
ഞാന്‍
ഓര്‍മകളുടെ മുല ചുരന്നു
ഏകാകിയായി...

താരന്‍

നിന്റെ
കണ്ണുകളുടെ ആഴങ്ങളിലാണ്
ഞാനെന്റെ ഹൃദയം കാത്തുവെച്ചത്‌.
നിന്റെ
ചുണ്ടുകള്ക്കിടയിലാണ്
എന്റെ വാക്കുകള്‍ പൂര്‍ണത തേടിയത്.

Thursday, August 12, 2010

സ്വത്വം

എന്റെ
കവിതകള്‍ കന്യകളല്ല
മണിമാളികയിലെ മദാലസകളല്ല
പരുക്കന്‍ തറകളില്‍
ഒരിലയുടെ മറവില്‍ അന്തിയുറങ്ങുന്ന
അഭിസാരികകളാണ്.

റമളാന്‍ ആശംസകള്‍

Wednesday, March 10, 2010